كل سنة و انتو طيبينTuesday, July 27, 2010
Friday, July 9, 2010
Monday, June 14, 2010
Monday, May 31, 2010
حصريا بالفيديو الهجوم الاسرائيلى على اسطول الحرية exclusive israeli attack on the freedom flotilla
تصوير خاص بالجيش الاسرائيلى
تصوير خاص بطاقم احد المراكب
israeli raid that took place early today's morning from diffeternt views
Saturday, May 29, 2010
Wednesday, May 26, 2010
ازمة حشيش فى مصر
على فكرة الموضوع بقى غريب جدا اسعار الحشيش ولعت
سعر الفرش او الكيس يعنى الربع كيلو حداشر الف جنيه
سعر الصباع او الخمسة جرام تلتمية و خمسين جنيه
فى حين ان اسعار الكوكايين و الهيروين انخفضت انخفاض ملحوظ
جرام الكوكايين رعميت جنيه بدلا من الف ومتين فى الفين و تسعة
جرام الهيرويين تمانين جنيه بدلا من تلتميت جنيه فى الفين و تسعة
اما عن البانجو فبقى مرطرط فى الاكشاك
سعر الطلقة يعنى الربع كيلو متين جنيه ده على فكرة كان سعره سنة خمسة و تسعين
ياريت اللى فاهم حاجة يفهمنا خاصة ان فيه ملايين بيستهلكوا الحشيش فى مصر طبقا للاحصائيات الرسمية
Thursday, October 1, 2009
اختراق الموقع الرسمى لرئاسة الجمهورية عن طريق هاكر جزائرى
من كام يوم اليوتيوب ده نزل و بيقول ان الباشمهندس قادر حداشر الف (اسمه كدة) نجح فى اختراق موقع رئاسة الجمهورية لمصر و ذلك انتقاما لاختراق موقع جريدة الشروق الجزائرية و عشان يعلم العيال الهاكرز المصريين الادب هو بيقول كدة
الغريب انى رحت على موقع رئاسة الجمهورية لقيته فعلا مغلق للتحسينات
بس يعنى ما حدش قال حاجة عن الموضوع ده مش عارف ليه؟ على العموم لو فعلا العيال الهاكرز المصريين و الجزائريين سخنين على بعض يبقى نكبر شوية عشان حركات العيال النص كم دى مش هى اللى هتجيب كاس العالم
Monday, September 7, 2009
الحقونا :تمنتاشر حالة انفلونزا خنازير فى شوارع اسكندرية
دى حلقة القاهرة اليوم امبارح لما عمرو اديب خد مكالمة من اسكندرية من اب خد اولاده و تنمتاشر واحد من عيلته فى اسكندرية و بيقول بعد التحليل فى حميات اسكندرية ادوهم جرعة واحدة تاميفلو و قالولهم تكملوا العلاج فى البيت لمدة اسبوع و ماتخرجوش مع حد و لا تكلموا حد لحسن العو يالكلكم
جايز المكالمة تكون حقيقية و جايز لا بس صاحب الاتصال قال انا مستنى اى حد يجينى و يتاكد بنفسه المصيبة ان لغاية ما مر اكتر من اربعة و عشرين ساعة مافيش حد علق ببنت شفة ولا بنت مناخير حتى
الله يخليكم حد يقولنا حتى تمت زيارة الحلات و شفاءها او تم التحقق من كذب ادعاء صاحب المكالمة و ارساله فى بعثة لبلاد ما وراء الشمس ..
او سمعونا صلاة النبى حتى
Sunday, August 30, 2009
ريهام سعيد تتبوأ منصة القضاء و اول قضية لها قضية سحاق
ده كان الجزء الاخير من حلقة رائعة للمذيعة الحسناء ريهام سعيد........ الحقيقة
انا مصاب بحالة من الصدمة و الاشمئزاز.................
مش من البنتين...
لا.. من ريهام سعيد
من محاولة غسل الايدى بالشتائم قبل ارتقاء منصة القضاء للحكم على فتاتين قد يكونا ضحية لمجتمع باكمله
مجتمع فضل الازدواجية و ستر العار عن معالجة انحرافاته.
كان لقاء رائع ادارته ريهام بمنتهى المهارة و الحياد ابرزت من خلاله قضية هامة و هى تعرض شبابنا لانحرافات سلوكية غير متوقعة لا تخطر على بال احد كما ابرزت الضغوط الاجتماعية و الحياتية التى ادت الى ذلك
لولا الصدمة التى فاجائتنى بها فى نهاية الحلقة من ادانة قاسية للفتاتين .
لم اتوقع تبرئة الفتاتين فبكل المقاييس هو انحراف فكرى واضح لديهما و اؤؤكد فكرى وليس نتيجة خلل هرمونى او ما شابه.. لكن برضه ما توقعتش الادانة الفجة للفتاتين فقط دون اى اشارة لما قد يكون دفعهما الى هذا الانحراف او مجرد احتمال ان يكونا ضحيتين و كانك بتقولى للناس اطمنوا احنا بخير البنات دى بس اللى عايزة قطم رقبتها.
تخيلى يا ريهام مثلا لو برنامج تليفزيونى بعد ما استضافك و جابلك قهوة و شاى و صور معاكى حلقة كاملة عن حادثة محاولة اغتصابك.. اتهمك بالوضاعة و الدناءة لانك لابسة مايوه بكينى فى حديقة الفيلا بتاعتك فى مارينا و صور للناس ان ده كان تحريض و استفزاز منك لفرد الامن اللى حاول يغتصبك و قعد يتكلم عن عدم التزامك بتعاليم الدين و الحجاب الى اخره و خلط المسائل و بقى الجانى مجنى عليه و المجنى عليه جانى..
هيكون احساسك ايه......................؟؟؟؟؟؟؟؟؟؟؟؟؟
Subscribe to:
Posts (Atom)
